Së fundmi kanë filluar të qarkullojnë spekulime të ndryshme të cilat po e lidhin sulmuesin brazilian, Roberto Firmino me një largim të mundshëm nga Liverpooli.
Po ashtu, besohet që gjiganti italian, Juventus, mbrëmë ka bërë një ofertë prej 22 milionë eurosh drejt Liverpoolit për Firminon.
Por, këto spekulime tani i ka hedhur poshtë trajneri i “Të Kuqve”, Jurgen Klopp, i cili tregoi që Firmino është pjesë kyçe e skuadrës për sezonin e ardhshëm.
“Bobby është tejet i rëndësishëm për ne, zemra dhe shpirti i skuadrës. Çdo gjë duket absolutisht në rregull me Firminon. Për mua, nuk kam dyshime në kualitetin e tij, kështu që po, ai është tejet i rëndësishëm për ne”, tha Klopp.
Që prej kalimit nga Hoffenheim te Liverpooli, Roberto Firmino ka arritur të bëjë 327 paraqitje në të gjitha garat, duke regjistruar 98 gola dhe 74 asistime mbi emrin e tij.