Qeveria e Finlandës tregoi sot se vendi ka zgjedhur avionët F-35 të gjigantit amerikan të mbrojtjes Lockheed Martin në një tender, për të zëvendësuar avionët luftarakë të vjetër F/A-18 dhe planifikon të porosisë 64 avionë luftarakë.
Lockheed Martin konkurroi për marrëveshjen me Saab të Suedisë, rivalin amerikan Boeing, Dassault të Francës dhe BAE Systems të Britanisë.
Vlera e prokurimit është rreth 8.378 miliardë euro, sipas qeverisë.
“Kur krahasojmë performancën ushtarake, F-35 plotësoi më së miri nevojat tona”, tha Ministri i Mbrojtjes, Antti Kaikkonen. Finlanda është vendi i 14-të që ka zgjedhur F-35.
Zgjedhja forcon bashkëpunimin e mbrojtjes të shtetit nordik me aleatët e tij, veçanërisht me Shtetet e Bashkuara dhe Norvegjinë, tha studiuesi Charly Salonius-Pasternak në Institutin Finlandez të Çështjeve Ndërkombëtare./UBTNews/