“10 të pandehurit përfshijnë disa klerikë të lartë, punonjës të Selisë së Shenjtë, menaxherë të jashtëm dhe kardinalin Giovanni Angelo Becciu 73- vjeç, një ndihmës i afërt i Papa Françeskut”
Një gjykim historik mbi mashtrimet e dyshuara financiare në lidhje me fondet bamirëse katolike filloi të martën në Vatikan, bëjnë të ditur mediat lokale, transmeton Anadolu Agency (AA).
Agjencia italiane e lajmeve ANSA njoftoi se 10 të pandehurit përfshijnë disa klerikë të lartë, punonjës të Selisë së Shenjtë, menaxherë të jashtëm dhe kardinalin Giovanni Angelo Becciu 73- vjeç, një ndihmës i afërt i Papa Françeskut, në një rast që rrjedh nga një investim humbës në një marrëveshje kontraverse pronësie në lidhje me një ndërtesë në Sloane Avenue në Londër.
“Becciu, i cili vitin e kaluar dha dorëheqjen si prefekt i Kongregatës për Kauzat e Shenjtorëve, akuzohet për përvetësim dhe shpërdorim detyre në lidhje me pretendimet për keqbërje kur ai ishte Zëvendës sekretar i Shtetit të Vatikanit”, shtoi ANSA.
“Seanca e së martës kishte të bënte me çështjet procedurale dhe pranimin e paditësve civilë, të cilët përfshinin Sekretariatin e Shtetit të Vatikanit dhe bankën e Vatikanit, IOR”, raportoi agjencia e lajmeve.
Vitin e kaluar, i përfshirë në një marrëveshje të diskutueshme pronësie, Becciu, një zyrtar i lartë i Vatikanit, dha dorëheqjen papritur.
Ai ishte i përfshirë në një marrëveshje për të blerë pronë luksoze në Londër me fonde të kishës, me sa duket si një investim. Marrëveshja shumë e diskutueshme ishte më pas subjekt i një hetimi financiar. Kardinali ka mohuar çdo shkelje.
Becciu u emërua kardinal në vitin 2018.