Federata e Futbollit të Kosovës ka shprehur ngushëllime për familjen Aliu pas ndarjes tragjike dhe të parakohshme nga jeta të Leonit Aliut.
Në mesazhin e ngushëllimit, presidenti i FFK-së, Agim Ademi, në emër të institucionit dhe komunitetit të futbollit në vend, ka shprehur dhimbjen për humbjen e të riut, duke e cilësuar atë si një talent premtues me potencial të madh në futboll.
Sipas reagimit, Leoniti do të kujtohet si një djalë i urtë, i respektuar dhe i përkushtuar ndaj sportit, ndërsa humbja e tij konsiderohet e rëndë jo vetëm për familjen dhe miqtë, por edhe për komunitetin sportiv në Kosovë.
FFK ka theksuar se në këto momente të vështira qëndron pranë familjes Aliu, duke ndarë dhimbjen për këtë humbje të parakohshme.