Elton John ka folur për bashkëpunimin me yllin e muzikës pop Dua Lipën në këngën “Cold Heart”.
“Unë e adhuroj atë. Ajo është jashtëzakonisht e talentuar. Absolutisht e shkëlqyer dhe tejet profesioniste. Është kënaqësi të jesh pranë dikujt që është kaq e re, që ka bërë shumë tashmë dhe është kaq e përulur”, tha John, duke shtuar se ajo ka shumë sens humori.
Dyshja ishin njoftuar në një ngjarje të Fondacionit AIDS, kurse më vonë filluan të punonin bashkë.
Së fundi, artisti 75 vjeçar është bërë mentor i artistëve të tjerë, të cilët kanë korrur shumë sukses në një moshë të re, e që përfshijnë Dua Lipën dhe Ed Sheeran./UBTNews/