Zhvilluesi i lojërave video EA Sports do të heqë kombëtaren ruse dhe të gjitha klubet ruse nga FIFA 22.
Kjo vjen pas pezullimit të ekipit kombëtar dhe të gjithë klubeve ruse nga të gjitha garat nga FIFA dhe UEFA pas pushtimit të Ukrainës nga vendi.
EA Sports tha se qëndron në solidaritet me popullin ukrainas dhe bëri thirrje për paqe dhe fundin e pushtimit.
“Ne po vlerësojmë gjithashtu në mënyrë aktive ndryshimet e lidhura me fushat e tjera të lojërave tona. Ne do t’i mbajmë komunitetet tona të përditësuara për çdo veprim të ndërmarrë dhe falënderojmë lojtarët për durimin e tyre ndërsa punojmë me këto përditësime”, thuhet tutje në deklaratë.
Është hera e dytë që nga publikimi i FIFA 22 që një veçori origjinale e lojës është hequr, pasi Mason Greenwood u hoq gjithashtu pas arrestimit të tij në fillim të këtij viti. Sulmuesi i Manchester United u hoq nga skuadrat aktive dhe u pezullua nga paraqitja në paketat e FIFA Ultimate Team dhe Ultimate Draft./UBTNews/