Simone Inzaghi ka bërë të ditur se Interi është në kërkim të një lojtari që mund të zërë vendin e Marcelo Brozovic në rast nevoje kur ai mund të mos jetë në gatishmëri për të luajtur.
Mesfushori kroat është bërë një element i pazëvendësueshëm për zikaltrit dhe mungesa e tij në disa ndeshje është vërejtur shumë pasi skuadra pësonte një rënie të madhe të kualitetit të lojës.
“Ai është një lojtar që sulmon, Barella, Calhanoglu, Vidal e kanë zëvendësuar në disa ndeshje. Ne kemi elementë me vlerën të madhe që kanë bërë gjithçka. Ndoshta, duke folur me drejtuesit, do të marrim dikë. ”, tha tha Simone Inzaghi në një konferencë për media.
Ndryshe, Interi do të ballafaqohet me rivalin lokal Milanin të martën në ndeshjen kthyese gjysmëfinale të Kupës së Italisë e po ashtu ata janë në luftë direkte me rossonerët për titullin kampion në këtë edicion të Serie-A.