Tomas Strakosha do të largohet nga Lazio në fund të sezonit. Kontrata e tij skadon në qershor të këtij viti dhe mesa duket, palët nuk kanë arritur një akord për ta rinovuar atë, pavarësisht paraqitjeve pozitive që shtatlarti ka bërë në fushën e blertë.
Mediat e njohura në Itali raportojnë se për Strakoshën kanë shfaqur interes klube të mëdha në Europë, në Premier League apo Bundesligë.
Portjeri kuqezi tani është i fokusuar vetëm tek Lazio, për të bërë sa më mirë aty dhe më vonë të vendosë për të ardhmen e tij.