Alina Kabaeva, një ish-gjimnaste ruse, e cila ka qenë prej kohësh e lidhur ngushtë me Vladimir Putinin, i është shtuar pakos së gjashtë të sanksioneve që po shqyrtohet nga Bashkimi Evropian.
Jeta private e liderit rus është e ruajtur me kujdes, por ajo përflitet se është e dashura e tij. Putin fillimisht e mohoi këtë, por raportet thonë se ajo ka sjellë në jetë fëmijët e tij.
Dy burime i kanë thënë BBC-së në Bruksel se ajo është në listën e sanksioneve të Komisionit Evropian. Kjo për shkak të rolit të saj si kryetare e Grupit Kombëtar të Medias të Rusisë.
Shtetet e Bashkuara tashmë kanë vënë në shënjestër pasuritë e dy prej vajzave të Putinit në martesën e tij të parë, por nuk kanë vepruar kundër Kabaevës./UBTNews/