Dy adoleshentë janë arrestuar në Mbretërinë e Bashkuar si pjesë e hetimit për një incident të marrjes peng në një sinagogë në Teksas, kanë konfirmuar autoritetet.
Katër persona u mbajtën peng në Congregation Beth Israel, në Colleyville, të shtunën nga një kapës i armatosur i identifikuar si shtetasi britanik 44-vjeçar, Malik Faisal Akram.
Akram u vra kur përplasja 10-orëshe mori fund me një ekip të FBI SWAT që nxitoi në ndërtesë pasi pengjet e fundit dolën jashtë rreth orës 21:00.
Akram mund të dëgjohej në një transmetim të drejtpërdrejtë në Facebook duke kërkuar lirimin e Aafia Siddiqui, një neuroshkencëtare pakistaneze e dyshuar për lidhje me al-Kaedën, e cila u dënua për përpjekjen për të vrarë oficerët e ushtrisë amerikane në Afganistan.
Policia e Mançesterit njoftoi gjatë natës të hënën se “dy adoleshentë u arrestuan” dhe “mbetën në paraburgim për t’u marrë në pyetje”.
Agjenti Special i FBI-së i ngarkuar me cështjen, Matt DeSarno, tha se pengmarrësi ishte i fokusuar në mënyrë specifike në një çështje që nuk lidhej drejtpërdrejt me komunitetin hebre. Nuk ishte e qartë pse Akram zgjodhi sinagogën, megjithëse burgu ku Saddiqui po vuan dënimin e saj është në Fort Worth./UBTNews/