Dua Lipa ishte “me të vërtetë këmbëngulëse” për të hyrë në industrinë e muzikës si adoleshente.
Pasi kishte lëvizur mes vendit të origjinës, Kosovës dhe Britanisë së Madhe si fëmijë, këngëtarja përfundimisht u zhvendos në Londër në moshën 15-vjeçare për të përfunduar studimet e saj dhe më pas për të ndjekur një karrierë në muzikë.
Gjatë një interviste në Hay Festival, 27-vjeçarja foli hapur se si vendosmëria dhe këmbëngulja e saj i sollën suksesin.
“Isha mjaft e vendosur”, tha Dua, raporton BBC News. “Nuk e ndjeja se kisha të njëjtat mundësi në muzikë siç kisha në Londër. Unë isha e përkushtuar. Babai im thotë se unë jamë person i vështirë për t’i thënë jo [për diçka]”.
“Isha vërtet këmbëngulëse. Sapo fillova të shkruaj shumë, punova me një producent. Isha 17 vjeç. Më ofruan një marrëveshje botimi por (producenti) Felix më tha të shkoja te një avokat, i cili më tha, ‘mos e firmos atë marrëveshje’ dhe më pas më ndihmuan të futesha në studio”.
Diku tjetër në bisedën live, fituesja e Grammy-t ka reflektuar edhe për “dualitetin” e trashëgimisë së saj.
“Ka qenë gjithmonë ideja se isha nga dy vende në të njëjtën kohë”, shpjegoi ajo. “E kuptova dualitetin e trashëgimisë sime që në moshë të vogël. Njerëzit gjithmonë pyesnin se nga është emri im.
“Isha vërtet krenare për këtë, por kur isha më e re doja që emri im të ishte, le të themi, Hannah – diçka ‘normale’ dhe anglisht”./UBTNews/