Drita ka dalur fitimtare në derbin e zhvilluar në stadiumin e qytetit në Gjilan, ndaj Ballkanit, e që përfundoi me rezultat 2-1.
Skuadra nga Gjilani ishte më e mirë në këtë takim duke konkretizuar dy gola dhe duke marrë një të tillë. Në këtë takim është veçuar, Kastriot Rexha, duke shënuar dy gola të shpejtë, një në minutën e 31-të dhe një në minutën e 45-të.
Golin e vetëm në këtë takim për skuadrën e Ismet Munishit e shënoi Mirlind Daku, në minutën e 44-të por që nuk ishte i mjaftueshëm për të barazuar rezultatin dhe për të marrë të paktën një pikë nga ky takim.
Me këtë fitore Drita merr kreun e tabelës në Superligën e Kosovës në futboll, me 36 pikë në 15 ndeshje, një pikë më shumë se Ballkani që zë pozitën e dytë në tabelë./UBTNews