Trajneri i Kombëtares së Kosovës, Bernard Challandes sot ka konfirmuar ftesën e Muharrem Jasharit nga klubi i futbollit Drita për ndeshjen e radhës në kualifikimet për në Kampionatin Botëror “Katar 2022” kundër Spanjës.
Jashari ftohet në kombëtare pasi për ballafaqimin me Spanjën janë të konfirmuara mungesat e Lirim Kastratit dhe Besar Halimit.
Lajmin pas FFK-së e ka konfirmuar edhe skuadra nga Gjilani, Drita që i ka uruar suksese lojtarit dhe kombëtares në sfidën me Spanjën.
Ndeshja Kosovë-Spanjë zhvillohet më 08 shtator, ora 20:45, në stadiumin “Fadil Vokrri” ne Prishtinë.