25 mars 1993
Lajmet kryesore:
Bill Klintoni i dërgoi letër Sali Berishës;
U aprovua dorëheqja e akademik Mark Krasniqit nga kryetari i Akademisë;
Kosova është thesari më i madh që uzurpoi Serbia;
Shtohen prania dhe lëvizjet e policisë dhe të ushtrisë serbe në Kosovë;
Radioja “Evropa e lirë” paralajmëron program të posaçëm për shqiptarët;
BSPK merr pjesë në Konferencën Sindikale Ndërkombëtare në Romë;
Gligorovi: Shqiptarët në Maqedoni nuk kërkojnë autonomi;
Spekulimet serbe lidhur me burimet e informimit;
Policia dhe ushtria serbe provokuan banorët e Komogllavës;
Në Obiliq plaçkitje e policisë financiare serbe;
Sot në Prishtinë u bastis familja e Adil M.Gashit;
Në komunën e Istogut dhe të Kamenicës ndërrohen emrat e rrugëve;
Gjendje alarmante ekologjike në Prishtinë.
25 mars 1994
Lajmet kryesore:
Konferencë për gazetarë e kryetarit të Republikës së Kosovës dr. Ibrahim Rugova;
Projektligji për Kosovën në Kongresin Amerikan;
Kongresistë amerikanë i shkruajnë letër Klintonit për zgjidhjen e çështjes së Kosovës;
Në burgun e Motrovicës po torturohen katër të burgosur shqiptarë;
Zyrtarët e Beogradit prapë u kërcënohen refugjatëve shqiptarë;
Nuk lejohet ardhja e misioneve të përhershme në Kosovë;
Policia serbe hyri në lokalet e Qendrës për Informim të Kosovës ;
Në Kamenicë u burgos kryetari i Kuvendit Komunal Zija Rudhani;
Turqia dërgon 2.700 ushtarë në Bosnjë;
Policia serbe mori në pyetje përfaqësuesit e KL “Gjon Nikollë Kazazi” në Gjakovë;
Në fshatrat Beçuk dhe Strofc të Vushtrrisë policia serbe bastisi 22 familje;
Represioni i policisë serbe në Kosovë;
Pesë familje u nxorën nga banesat e tyre në Lipjan;
Kërkohen Tahir Morina dhe Zymer Kadriaj.
25 mars 1995
Tubim madhështor i shqiptarëve në Bon të Gjermanisë;
Tubim për pavarësinë e Kosovës edhe në Helsinki;
Stejt Departamenti mbështet hapjen e zyrës së SHBA-ve në Prishtinë;
Tubim në kuadër të aksionit “Java e luftës kundër racizmit, nacionalizmit e fashizmit”;
Jens Rojter: Perëndimi duhet ta imponojë vetëvendosjen e shqiptarëve të Kosovës;
Një i ri nga Skënderaji u dërgua me dhunë në ushtrinë serbe;
Lëvizje të forcave serbe në Prishtinë;
Njoftohet se ushtarakë të lartë serbë qëndruan në Kosovë;
Shtypi serb për ndihmat japoneze shkollave serbe të Prizrenit;
Policia ndërhyri në lokalet e gjimnazit “Frang Bardhi” në Mitrovicë.
Dhuna e përditshme në Kosovë
Mitrovicë: – Më 23 mars, dy policë kërkuan në lokalet e Bashkësisë Islame kryetarin e saj bashkësie, mulla Asllan Muratin (52).
Ai nuk gjendej aty dhe policia i la porosinë që të paraqitej në stacionin e policisë.
Kur u paraqit në polici, ai u mor në pyetje për një orë rreth mbledhjeve të partive politike shqiptare në lokalet e Bashkësisë Islame dhe e kërcënuan se nëse lejojnë një gjë të tillë, do të ndiqet penalisht.
Inspektorët gjithashtu u interesuan se mos kanë pasur kontakte me ndonjë delegacion të huaj e me Qeverinë e Bukoshit dhe e urdhëruan atë që ta porosisë imamin e xhamisë “Haxhi Veseli”, mulla Asllan Fazliun që të paraqitet në polici më 27 mars.
Më 25 mars rreth orës 7.30 minuta tetë policë serbë bastisën shtëpinë e Hajriz Bajraktarit (52) në lagjen “Ura e gjakut”. Policët kërkonin një revole, të cilën gjoja Hajrizi e mbante pa leje. Gjatë bastisjes nuk gjetën armë, mirëpo në stacionin e policisë u morën Hajrizi dhe dy djemtë e tij Rrustemi e Ramadani. Ata në stacionin e policisë u mbajtën rreth tri orë dhe u maltretuan fizikisht.
Po këta policë në këtë lagje bastisën edhe familjen e Mursel Vocës (56). Policët as në këtë familje nuk gjetën armë. Ata me vete morrën Ilir Vocën (16), të cilit ia morrën edhe pasaportën.
Policia ishte edhe në shtëpinë e Nezir Islamit (56). Ata e pytën Nezirin se ku e ka shtëpinë familja Durmishi. Me që ky nuk diti t’iu jap përgjegje, policia hyri në shtëpinë e tij dhe i konfiskuan cigare me vlerë prej 1300 DM. Policët arrestuan djalin e Nezirit, Naimin (24).
Policët në shtëpinë e Gani Durmishit kërkuan djalin e tij Kadriun (17). Meqë Kadriu nuk ndodhej në shtëpi policët e urdhëruan Ganiun që të gjejë atë gjithsesi dhe ta dërgojë në polici deri në orën 14:00.
Malishevë: – Më 24 mars, në lokalet e policisë në Rahovec, u mbajtën më shumë se tri orë Osman R. Mazreku nga Malisheva, pronar i NT “Pajtimi”, Halit, Milaim e Naim Robaj dhe Agim Krasniqi nga Ostrozubi i Malishevës. Prej tyre policia kërkonte armë, ndërsa Halit Robaj u mor në polici në vend të djalit të tij Rexhepit, i cili gjendet në botën e jashtme.
Në polici, me pretekst të kërkimit të armëve, u mor Musli Mazreku nga Malisheva. Në fshatin Gajrak policia arrestoi Hasan Gajrakun, prej të cilit policët kërkojnë një revole dhe të birin e tij Mehmetin, të cilit policia i kërkojnë një pushkëmitraloz. Po në këtë fshat policia ka marrë Daut Gajrakun.
Për herë të tretë policia serbe nga Rahoveci mori dhe mbajti për disa orë Fetah Kastratin nga Maxharra dhe Sali Ollurin nga Marolia, të cilët ditë më parë janë keqtrajtuar fizikisht. Pretekst për marrjen e tyre në polici, ku u morën në pyetje nga inspektori Hasan Rrustemaj, ishte tentimi eventual për të nxjerrë prej tyre të dhëna për dhënien e ryshfetit policëve dhe ndërmjetësuesve të tyre në emër të kompromisit për t’i shpëtuar ndjekjes policore. Dhënia e ryshfetit tashmë është institucionalizuar nga përgjegjësit e policisë në Rahovec.
Suharekë:- Më 23 mars, në stacionin e policisë në Lubizhdë u mor Azem Smajli nga fshati Gelancë. Njoftohet se ai është maltretuar fizikisht dhe po mbahet ende në lokalet e policisë.
Më 24 mars policia serbe, me pretekst të kërkimit të armëve, arrestoi Hilmi Gashin, sekretar i Aktivit të LDK-së në Gelancë, të cilin për rreth dy orë e maltretuan fizikisht në stacionin e policisë në Lubizhdë. Ai u urdhërua që të paraqitet sërish në polici.
Po me këtë pretekst në polici u mor edhe Shefki Kurtishaj nga ky fshat.
25 mars 1997
Lajmet kryesore:
Hans Van Mirlo: UE i kushton rëndësi të madhe Kosovës;
Turqia është e gatshme për të dërguar trupa ushtarake në Shqipëri;
Arrihet marrëveshja për patrullimin e Adriatikut;
Më pak të plagosur në spitalin ushtarak të Tiranës;
Vlorë: Rebelët e armatosur vranë tre policë;
Norvegjia ndihmoi Shqipërinë me dy milionë kruna;
Tubim i bashkatdhetarëve në Musingen;
U dënuan përfaqësuesit e OEK-ut;
Postera të Radovan Karaxhiqit në Prishtinë;
Gjilan: Reagim kundër ngritjes së qendrës tregtare në lokacionin e stadiumit të qytetit.