Disa pjesë të kryeqytetit aktualisht kanë mbetur pa furnizim me energji elektrike, përfshirë qendrën, rrugën “Agim Ramadani” dhe lagjen “Ulpiana”.
Kompania Kosovare për Distribuim me Energji Elektrike (KEDS) njofton se kjo po ndodhë për shkak se një linjë në nënstacionin “Prishtina 6” është jashtë funksionit.
“Ju informojmë se linja 110/10 kV në nënstacionin Prishtina 6 aktualisht është jashtë funksionit. Si rezultat i kësaj , një numër i caktuar i konsumatorëve tanë ka mbetur pa furnizim me energji elektrike. Ekipet e KEDS-it ndodhen në vendin e ngjarjes dhe presim që brenda pak kohe furnizimi me energji elektrike do të rikthehet”, thuhet në njoftimin e publikuar në Facebook.