Sonte me fillim nga ora 20:45 do të zhvillohet super derbi londinez, ku në stadiumin “Stamford Bridge” kampioni aktual evropian Chelsea e pret në shtëpi skuadrën e Arsenalit.
Në ndeshjen e fundit të zhvilluar, Chelsea shënoi fitore me rezultat 2:0 kundër skuadrës së Crystal Palace, ku edhe u kualifikua në finale të FA Cup, ndërkaq Arsenali pësoi humbje 1:0 kundër Southamptonit.
Takimi i fundit mes dy rivalëve të përbetuar londinez daton në gusht të vitit të kaluar, ku asokohe Chelsea shënoi fitore solide me rezultat 2:0 kundër Arsenalit.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Thomas Tuchel nuk do të paraqiten Chilwell, Hudson-Odoi, Kovacic dhe Barkley, kurse Mikel Arteta nuk do të mund të llogarisë në shërbimet e Partey, Tierney, Lacazette dhe Tomiyasu.
Formacionet e mundshme të dy skuadrave i gjeni më poshtë.
Chelsea (3-4-2-1): Mendy; James, Silva, Rudiger; Azpilicueta, Kante, Jorginho, Alonso; Mount, Werner; Havertz
Arsenal (4-2-3-1): Ramsdale; Cedric, White, Gabriel, Tavares; Xhaka, Lokonga; Saka, Odegaard, Smith Rowe; Martinelli
20:45 Chelsea – Arsenal (Stadiumi Stamford Bridge)