Deputetët e Partisë Demokratike të Kosovës dhe ata të Aleancës për Ardhmërinë e Kosovës kanë vazhduar edhe sot bllokimin e hyrjes kryesore të ndërtesës së Qeverisë.
Në aksionin e mbajtur në orët e mëngjesit, grupit të deputetëve u janë bashkuar asamblistë, drejtorë komunalë dhe aktivistë të PDK-së nga Komuna e Skënderajt dhe ajo e Istogut.
Kjo protestë para objektit të ekzekutivit po zhvillohet tash e disa javë nga deputetët opozitarë, ndërsa ditët e fundit po mbështetet edhe nga struktura drejtuese e lokale nga komuna të ndryshme të vendit. /Ekonomia Online/