Parlamenti i Bullgarisë miratoi të premten heqjen e vetos së vendit për hapjen e bisedimeve të pranimit në BE me Maqedoninë e Veriut, një çështje kryesore në axhendën e një samiti të BE-së në Bruksel.
“Vendimi është miratuar me 170 vota pro, 37 ishin kundër dhe 21 abstenuan“, tha nënkryetari i parlamentit Atanas Atanasov pas votimit.
Propozimi i hap rrugën qeverisë për të zhbllokuar fillimin e negociatave në këmbim të garancive të BE-së se Maqedonia e Veriut do të përmbushë kërkesat e Bullgarisë për mosmarrëveshjet e gjata historike dhe gjuhësore. /UBTNews/