Ministria e Industrisë, Ndërmarrësisë, Tregtisë dhe Inovacionit (MINT) ka publikuar çmimet maksimale të lejuara të derivateve të naftës për ditën e sotme.
Sipas vendimit të MINT-it, çmimi maksimal i naftës (dizelit) është caktuar 1.58 euro për litër, benzina 1.52 euro për litër, ndërsa gasi 0.74 euro për litër.
Në njoftim bëhet e ditur se këto çmime hynë në fuqi nga ora 10:00.
Rritja e çmimeve të derivateve në tregun vendor po ndikohet nga zhvillimet në tregjet ndërkombëtare të energjisë, përkatësisht nga tensionet dhe konflikti i vazhdueshëm në Lindjen e Mesme, që kanë shkaktuar luhatje të çmimeve të naftës në bursat globale.