Çmimet e shitjes me shumicë në Gjermani u ulën me 3.6% në muajin nëntor në bazë vjetore, zbuloi të martën autoriteti statistikor i vendit.
Rënia e çmimeve ishte kryesisht për shkak të efektit bazë që buron nga rritjet e mëdha të çmimeve vitin e kaluar lidhur me luftën Rusi-Ukrainë, sipas Zyrës Federale të Statistikave (Destatis).
Çmimet me shumicë shënuan një rënie të lehtë me 0.2% në muajin nëntor kundrejt tetorit.
Destatis tha: “Rënia e madhe e çmimeve në shitjen me shumicë të produkteve të naftës minerale (-13,9%) pati ndikimin më të madh në zhvillimin e përgjithshëm të çmimeve të shitjes me shumicë në nëntor 2023 krahasuar me nëntorin 2022. Në të kundërtën, çmimet me shumicë për frutat, perimet dhe patatet (+14,8%) dhe sheqerin, ëmbëlsirat dhe produktet e bukës (+10,1%) ishin më të larta se në nëntor të vitit 2022”./AA