Aktori i njohur, Keanu Reeves mesa duket e ka marrë shumë seriozisht titullin e filmit të tij “Something’s Got to Give”!
Aktori ka bërë shumë para – sipas disa vlerësimeve, rreth 315 milionë dollarë – por, një mik i vjetër i familjes i tha The Post, “Ai është disi i turpëruar për këtë”.
Pasi u godit nga disa tragjedi gjatë jetës së tij, ai e bëri mision jetësor për të shpërndarë pasurinë e tij.
“Keanu ka dhuruar shumë para dhe ka bërë shumë më tepër për njerëzit nga sa shumica e dijnë”, tha miku i familjes. “Ai e di se sa me fat është. Ndryshe nga shumë mega yje të Hollivudit, ai nuk e merr kurrë këtë si të mirëqenë”.
“Arsyeja pse Keanu luajti në 60 filma”, tha një regjisor që ka punuar me të, “është se, në krye të audiencës, regjisorët e duan atë, aktorët e duan atë, ekipet e duan atë. Ai është gjithmonë i përgatitur, është gjithmonë në kohë. I vëmendshëm, komunikues, i kujdesshëm – nuk ka njeri që nuk ia di emrin ose nuk ka pasur një bisedë me të”.
Por disa burime thonë se një pjesë e dëshirës së tij për të shpërndarë pasurinë, vjen nga humbja e shumë personave në jetën e tij.
Reeves thuhet se ishte shkatërruar emocionalisht në vitin 1993, kur shoku i tij më i mirë dhe bashkë-ylli i “My Own Private Idaho”, River Phoenix, vdiq nga një mbidozë droge.
Në vitin 1999, e dashura e tij e atëhershme Jennifer Syme, asistente e regjisorit David Lynch, lindi një muaj më herët vajzën e tyre – por foshnja, e quajtur Ava, lindi e vdekur. Syme, e cila thuhet se vuante nga depresioni, vdiq në prill të vitit 2001 në një aksident ku më pas një hetim zbuloi se ajo ishte e dehur në kohën e aksidentit.
Tragjeditë e jetës së tij frymëzuan Reeves të pranonte rolin e vrasësit të pikëlluar në serinë e filmave “John Wick”./UBTNews/