“Nerazzurët” janë të gatshëm që të shesin yllin e tyre.
Dy gjigantët evropianë Chelsea dhe Paris Saint-Germain spekulohet se kanë bërë ofertë prej 60 milionë eurosh për yllin maroken Achraf Hakimi, raporton “Gianluca DiMarzio”.
Interit i duhet me çdo kusht ta shesë 22-vjeçarin për shkak të situatës jo të mirë financiare, përcjell KosovaPress.
Thuhet që klubi londinez Chelsea mund të ofrojë Emerson Palmierin si pjesë të marrëveshjes, për të cilin Interi ka shprehur interesim serioz, por edhe mbrojtësi danez Andreas Christensen mund të përdoret në marrëveshje për të ulur çmimin e Hakimit.
Sezonin që lamë pas, Hakimi kishte 37 paraqitje në Serie A, duke regjistruar shtatë gola dhe 10 asistime për kampionin e Serie A, Interin.