Në një intervistë në The Ellen DeGeneres Show, Charlie Puth reflektoi mbi kritikat që mori nga Elton John që e bëri atë të rivlerësonte veten si artist.
“Kur shkruan një këngë, është e rëndësishme të thuash të vërtetën, dhe unë nuk po e bëja këtë në vitin 2019. Dhe personi që më zgjoi ndjenjat nuk ishte askush tjetër veçse Elton John”, shpjegoi Charlie. Ai tha se e takoi Eltonin për herë të parë në restorantin e Craig në LA dhe se këngëtari i “Rocket Man” i tha: “E di, muzika jote ishte kot në 2019. Nuk ishte e mirë”.
“Ishte si një goditje , por edhe unë e kisha menduar këtë. Ishte një lloj thirrje zgjimi,” tha këngëtari.
“Isha pak në mohim dhe më pas e gjithë bota u mbyll dhe unë munda të ulem me mënyrën time të re të të bërit muzikë dhe thjesht vendosa që nuk do të publikoja më kurrë një këngë nëse nuk do të ishte e vërteta.”
Puth tregoi se ka adoptuar një metodë të re të krijimit të muzikës, në të cilën ai dokumenton procesin e tij të krijimit të muzikës në TikTok—duke përfshirë këngën e tij të re “Light Switch”. Ai gjithashtu zbuloi se albumi i ri do të titullohet Charlie sepse “në frymën e të thënit të së vërtetës, është muzika ime më e mirë ndonjëherë”./Lapsi.al