Rep artistja Cardi B njoftoi të martën se ka blerë shtëpi në qytetin e New York-ut. Ajo ka publikuar një fotografi në rrjete sociale, ku shihet në holl, duke mbajtur duart lart.
Fotografia tregon pamjen e shtëpisë së re, e cila ende është e zbrazët.
“Këto ditë nuk po jetoj vetëm në një vend për shkak të punës. Por një gjë është e sigurt se më duhej një shtëpi në qytetin tim, në New York! Jam shumë krenare me veten. Punoj shumë që fëmijët e mi të jenë rehat çdokund pavarësisht punës”, deklaroi ajo.
Rep artistja shtoi se ajo dhe bashkëshorti i saj gjithmonë kanë dashur të kenë një shtëpi në qytetin e New York-ut. Ata kanë shtëpi në Los Angeles dhe Atlanta./UBTNews