Sonte me fillim nga ora 20:45 do të zhvillohet ndeshja mes skuadrës londineze Arsenal dhe asaj të Sunderland, e vlefshme kjo për fazën e çerekfinales së Carabao Cup.
Në xhiron e fundit të kësaj gare apo në fazën e eliminatoreve, Arsenali e mposhti me rezultat solid 2:0 skuadrën e Leeds United, kurse Sunderland e mposhti me rezultat minimal 1:0 QPR.
Takimi i fundit i këtyre dy skuadrave daton në muajin maj të vitit 2017, ku asokohe “Topçinjtë” e mposhtën Sunderlandin me rezultat 2:0, përmes dy golave të Alexis Sanchez.
Sa i përket ndeshjes së sotme, të dy skuadrat do të kenë mungesa të lojtarëve, ku për Arsenalin nuk do të paraqiten Aubameyang, Kolasinac, Lokonga dhe Mari, kurse te Sunderland do të mungojë Willis.
Arsenal (4-2-3-1): Leno; Soares, Holding, Chambers, Tavares; Maitland-Niles, Elneny; Pepe, Smith Rowe, Nketiah; Lacazette
Sunderland (3-5-2): Hoffmann; Wright, Flanagan, Doyle; Hume, Neil, Pritchard, Embleton, Gooch; Broadhead, Stewart
20:45 Arsenal – Sunderland (Stadiumi Emirates)