Britney Spears u zotua të padisë ish-kompaninë e saj të menaxhimit të biznesit, duke thënë se ajo ndihej aq e pafuqishme në duart e tyre saqë kishte frikë për jetën e saj, përcjell UBT News.
Spears pretendoi se babai i saj, Jamie Spears, “adhuronte” edhe themeluesen e Tri Star Sports & Entertainment Group, Lou Taylor, dhe bashkëpunëtorin e saj Robin Greenhill.
“Unë mendoj se ata po përpiqeshin të më vrisnin … Unë ende sot e kësaj dite besoj se kjo është pikërisht ajo që ata po përpiqeshin të bënin”, shkroi mes tjerash këngëtarja në një deklaratë në Instagram, tani e fshirë.
Jamie, babai i këngëtares, punësoi Tri Star si menaxhere biznesi të pasurisë së Britney menjëherë pasi e vendosi atë nën një kujdestari në 2008. Kompania punoi me këngëtaren për më shumë se një dekadë përpara se të jepte dorëheqjen në vjeshtën e vitit 2020.
Një gjykatës i Los Anxhelosit i dha fund konservatoritetit të Britney-t në nëntor të vitit 2021 pasi ajo akuzoi babain dhe menaxherët e saj për abuzim gjatë një seance gjyqësore atë verë.
Avokati i Taylor, Charles Harder, tha në një deklaratë për Page Six se pretendimet e këngëtares në Instagram ishin “tërësisht të rreme, si dhe shumë fyese, të dëmshme dhe të papranueshme”.
Të gjithë sytë kanë qenë te Tri Star që kur New York Times publikoi dokumentarin e saj “Controlling Britney Spears” në shtator 2021, i cili përfshinte pretendime se Jamie, Taylor, Greenhill dhe presidenti i Black Box Security Edan Yemini kishte monitoruar telefonin e Britney Spears si dhe kishin përgjuar dhomën e gjumit të saj ndërsa ajo ishte nën kujdestarinë./UBTNews/