Britania e Madhe ka vendosur sanksione ndaj katër biznesmenëve rusë, kompanitë e të cilëve janë të lidhura me luftën në Ukrainë, njoftoi sot Ministria e Punëve të Jashtme britanike.
Mes të sanksionuarve janë Alexander Abramov dhe Alexander Frolov, të cilët Britania i lidh me biznesmenin rus Roman Abramovich, i cili u sanksionua nga Londra në fillim të këtij viti.
“Nga sot, ne po sanksionojmë edhe katër oligarkë të tjerë që kanë fituar privilegje për shkak të njohjes së tyre me Putin dhe në këmbim financojnë makinerinë e tij ushtarake”, tha sekretari i jashtëm britanik James Cleverley.
Ai tha se presioni ekonomik me sanksione ndaj personave të afërt me presidentin rus Vladimir Putin do të vazhdojë deri në fitoren e Ukrainës.
Gjithashtu sot janë sanksionuar Airat Shaimiev, i cili ka një vlerë neto globale prej 902 milionë funte dhe Albert Shigabutdinov, i cili ka një vlerë neto globale prej 977 milionë funte. Ashtu si Abramov dhe Frolov, ata të dy janë subjekt i ndalimeve të udhëtimit, ngrirjes së aseteve dhe sanksioneve të transportit.