Pavarësisht nëse shikoni një shfaqje si Squid Game ose dëgjoni hite të BTS si Butter ose Dynamite, ka shumë mundësi që ju të keni një lloj ndikimi korean në jetën tuaj. Dhe tani ndikimi i Koresë së Jugut ka arritur në Fjalorin Anglisht të Oksfordit, Biblën e gjuhës Angleze.
Autoriteti i pranimit në gjuhën angleze ka shtuar 26 fjalë të reja me origjinë koreane në botimin e tij të fundit, transmeton 12news.al.
Sipas BBC, këto janë kryesisht terma që lidhen me ushqimin si ‘kimbap’ (emri i versionit korean të sushi) ose bulgogi (një pjatë e bazuar në mish viçi ose derri). Por ka edhe fjalë abstrakte si ‘hallyu’ që tregon rritjen e interesit ndërkombëtar për Korenë e Jugut dhe kulturën e saj popullore, të përfaqësuar nga suksesi global i muzikës, filmit, TV, modës dhe ushqimit.
Gjuhëtarët nga Fjalori Anglisht i Oksfordit shpjeguan se futja e fjalëve të Koresë së Jugut në fjalor është njohja e një ndryshimi në gjuhën e folur.
“Aziatikët shpikin dhe shkëmbejnë fjalë në kontekstin e tyre, pastaj i prezantojnë ato në pjesën tjetër të botës anglishtfolëse, duke lejuar kështu që vala koreane të vazhdojë të zgjerohet mbi detin e fjalëve angleze,” thuhet në deklaratë.