Të paktën 750 akuza për sjellje të pahijshme seksuale u bënë kundër oficerëve të policisë në të gjithë Britaninë gjatë pesë viteve, tregojnë shifrat e reja, transmeton UBT News.
Të dhënat u morën nga 31 forca policore në Angli, Uells dhe Skoci sipas Aktit të Lirisë së Informacionit.
Të dhënat, të marra nga shërbimi Radar i PA Media, tregojnë se shumica e ankesave, ku u regjistrua gjinia, ishin kundër oficerëve meshkuj.
Pretendimet mund të jenë historike dhe përgjigjet nuk treguan nëse ndonjë prej oficerëve ishte në detyrë në atë kohë. Të paktën 34 raste rezultuan në pushim nga puna, shkruan BBC, transmeton UBT News.
Koalicioni ‘Fundi i Dhunës Kundër Grave’, tha se “dështimet e përhapura institucionale” duhen adresuar, shkruan BBC, përcjell UBT News.
Zëvendësdrejtori Denzi Ugur tha: “Ne duhet të shohim një rishikim rrënjësor të mënyrës sesi policia i përgjigjet dhunës ndaj grave – veçanërisht brenda radhëve të tyre. Kjo do të thotë përgjegjësi më e madhe dhe veprim urgjent, i koordinuar dhe strategjik për të adresuar dhunën kundër grave”.
Shifrat vijnë pasi Sekretari i Brendshëm, Priti Patel, njoftoi se do të nisë një hetim për “dështimet sistemike” që i lejuan Wayne Couzens të vazhdojë të jetë oficer policie.
Wayne Couzens, një oficer në Policinë Metropolitane, u dënua me një përjetim të përjetshëm muajin e kaluar për rrëmbimin, përdhunimin dhe vrasjen e Sarah Everard./UBTNews/