Kryeministri britanik, Boris Johnson tha të premten se nuk do të zbulonte asnjë bisedë që kishte me trashëgimtarin e fronit, Princin Charles, në një takim në Ruandë.
Gazetat britanike kanë raportuar se Charles kishte kritikuar privatisht planin e Britanisë për të dërguar dhjetëra mijëra emigrantë që mbërrijnë në brigjet e saj në mënyrë të paligjshme në vendin e Afrikës Lindore.
“Unë nuk do të komentoja asgjë që i them mbretëreshës apo mbretëresha më thotë, as nuk do të thoja çfarë mund të më thotë trashëgimtari i fronit apo çfarë mund t’i them unë atij. Kryeministrat nuk flasin kurrë për këtë. Por ajo që unë do të them është se ndërsa njerëzit vijnë në Ruandë si ju sot, ka shumë paragjykime për Ruandën që duhen hequr”, u tha ai gazetarëve. /UBTNews/