Ish-kryeministri britanik Boris Johnson do të takohet me ligjvënësit republikanë këtë javë për të ushtruar presion ndaj aleatëve amerikanë që të mbështesin ndihmën për Ukrainën.
Johnson është planifikuar të flasë në një event privat republikan në Uashington të martën në mbrëmje, tha përfaqësuesi Joe Wilson, anëtar i Komitetit të Punëve të Jashtme të Dhomës së Përfaqësuesve.
Të mërkurën, Johnson do të diskutojë gjithashtu nevojën për “unitet perëndimor dhe mbështetje për Ukrainën dhe çfarë mund të bëhet më shumë kundër kërcënimit që paraqet Rusia” në think-tank-in e Këshillit Atlantik.
Disa anëtarë të partisë republikane kanë bërë thirrje për t’i dhënë fund ndihmës ushtarake dhe ndihmës tjetër për Ukrainën, e cila arrin në dhjetëra miliarda dollarë./UBTNews/