Zyra e prokurorit publik të Bjellorusisë kërkoi 12 vjet burg për Maria Kalesnikava, një nga drejtueset kryesore të lëvizjes opozitare, transmeton UBT News.
Ajo akuzohet se dëshiron të përmbysë regjimin autoritar të Presidentit Aleksandër Lukashenko.
Gjyqi ndaj 39-vjeçares Kalesnikava, i cili filloi në fillim të gushtit, vjen pas disa muajve të ndodhive në Bjellorusi.
Mijëra kundërshtarë të regjimit janë arrestuar ose detyruar të internohen që nga zgjedhjet e diskutueshme të Lukashenkos vitin e kaluar, përcjell UBT News.
Kalesnikava është burgosur për 11 muaj dhe po gjykohet së bashku me ish-avokatin e saj, Maxime Znak.
“Kalesnikava dhe Znak mund të përballet me deri në 12 vjet burg. Bisedimet me dyer të mbyllura u zhvilluan sot dhe prokurori kërkoi këtë dënim”, tha shërbimi për shtyp i Viktor Babaryko në një deklaratë.
Të pandehurit punuan për politikanin opozitar Babaryko i cili u dënua me 14 vjet burg në korrik.
Kalesnikava u arrestua në shtator pasi i rezistoi përpjekjes së autoriteteve për ta dëbuar nga vendi duke u hedhur nga dritarja e makinës dhe duke grisur pasaportën e saj.
Vendimi pritet të jepet më 6 shtator.//euronews/UBTNews