McDonald’s do të fillojë rihapjen e restoranteve në Ukrainë gjatë muajve të ardhshëm. Kjo shënon në njëfarë mënyre rikthimin në normalitet dhe është shenjë mbështetjeje pasi zinxhiri amerikan i ushqimit të shpejtë u tërhoq nga Rusia.
Gjiganti i burgerëve mbylli restorantet në Ukrainë pas pushtimit të Rusisë gati gjashtë muaj më parë, por ka vazhduar t’i paguajë gati 10 mijë punonjës.
McDonald’s tha të enjten se do të fillojë gradualisht rihapjen e disa restoranteve në kryeqytetin e Ukrainës, në Kiev dhe Ukrainën perëndimore, ku kompani të tjera po vazhdojnë biznesin larg luftimeve. Bizneset perëndimore si shitësit spanjollë të veshjeve Zara dhe Mango janë të hapura në Kiev./UBTNews/