Mesfushori kosovar Besfort Zeneli ka zhvilluar një paraqitje të shkëlqyer të dielën me fanellën e Union Saint-Gilloise, duke qenë protagonist në fitoren e thellë 3:0 ndaj Anderlechtit.
Në ndeshjen e vlefshme për javën e katërt të elitës së futbollit belg, Zeneli realizoi golin e parë të takimit në minutën e 38-të, duke i dhënë epërsinë skuadrës së tij.
Në fund të pjesës së parë, mesfushori kosovar ishte përsëri në qendër të vëmendjes, këtë herë duke asistuar për golin e dytë të Union SG.
Zeneli qëndroi në fushë deri në minutën e 87-të dhe ishte ndër lojtarët më të mirë të ndeshjes, duke dhënë një kontribut të rëndësishëm në fitoren e skuadrës së tij ndaj një prej emrave më të mëdhenj të futbollit belg.
Pas kësaj fitoreje, Union SG ka grumbulluar shtatë pikë nga tri ndeshje të zhvilluara në kampionat.
D.L