Mesfushori holandez, Ryan Gravenberch së fundmi ka treguar se nuk është i kënaqur te Bayern Munichu për shkak të minutazhës jo të mirë në “Allianz Arena”.
Trajneri i Bayernit, Julian Nagelsmann po e preferon dyshen Goretzka dhe Kimmich në mesfushë së bashku me Sabitzer dhe Musialan, kështu duke mos i dhënë hapësirë të mjaftueshme Gravenberch.
Tani kanë filluar të qarkullojnë spekulime për një largim të mundshëm të Gravenberch nga Bayerni, ndërsa drejtori sportiv i kampionit gjerman, Salihamidzic e konfirmoi planin e “Bavarezëve” për yllin holandez.
Salihamidzic e konfirmoi që Bayerni nuk e ka në plan që ta shesë ose huazojë Gravenberch.
“Ryan është një lojtar i mrekullueshëm. Ne e dimë që jemi tejet të kënaqur me të. Ka faza kur ju luani më pak, por të gjithë mund duhet të shikojnë nga ai”, tha Salihamidzic për “tzmuenchen”.
Që prej transferimit nga Ajaxi te Bayern Munichu, Ryan Gravenberch ka arritur të bëjë 11 paraqitje në të gjitha garat për gjigantin gjerman, duke regjistruar një gol dhe një asistim mbi emrin e tij.