Studiuesit në Spanjë nuk kanë gjetur “asnjë shenjë” të niveleve të larta të infeksionit midis 5,000 njerëzve që morën pjesë në një koncert të madh provë muajin e kaluar.
Vetëm gjashtë persona rezultuan pozitivë brenda 14 ditëve nga pjesëmarrja në koncertin në Barcelona, por incidenca ishte më e ulët sesa ajo që shihej në popullatën e përgjithshme.
Megjithëse ata mbanin maska, aty nuk kërkohej që ata të distancoheshin nga njëri tjetri.
Nga gjashtë personat që kishin rezultuar pozitivë, studiuesit arritën në përfundimin se katër prej tyre ishin infektuar diku tjetër, jo në koncertin e mbajtur.
Autoritetet spanjolle e lanë shfaqjen të vazhdonte, duke shfaqur grupin Love of Lesbian si pjesë e projektit kërkimor.
📽 Ja ha acabat el concert dels Love of Lesbian al Palau Sant Jordi de Barcelona, amb 5.000 persones
— Catalunya Informació (@Catinformacio) March 27, 2021
👉 https://t.co/PhN8HE2RVO pic.twitter.com/MqBxoNPehw
“Nuk ka asnjë shenjë që sugjeron që transmetimi ka ndodhur gjatë ngjarjes,” tha specialisti i sëmundjes infektive Josep Maria Llibre në një konferencë shtypi të Martën.
Grupi muzikor i përfshirë në eksperiment, Love of Lesbian, falënderoi organizatorët e ngjarjes.
“Shpresojmë që tani e tutje, pas këtyre rezultateve të shkëlqyera, bota e kulturës do të dëgjohet ashtu siç e meriton të jetë,” shkruan në Twitter.
Koncerti ishte një nga tubimet më të mëdha në Evropë që nga fillimi i pandemisë dhe vjen ndërsa vendet në të gjithë globin kërkojnë mënyra të reja për të mbajtur tubimet publike në mënyrë të sigurt.
Një eksperiment i ngjashëm dy-ditor ndodhi në Holandë në muajin mars me rreth 1,500 njerëz.
Arjeta Ibishi/UBTNEWS