Sipas ekspertëve, lyerja e çative në të bardhë mund të ulë temperaturat deri në pesë gradë, përcjell UBT News.
Për një kohë të gjatë, ballkonet e larta shumëngjyrëshe të Barcelonës kanë qenë sinonim i qytetit të dashurisë. Por kjo mund të ndryshojë pas një propozimi, i cili mund të shndërrojë çatitë e kryeqytetit katalanas të lyer me të bardhë, kjo si një përpjekje për të reduktuar ndikimin shkatërrues të valëve të të nxehtit.
Teksa kriza klimatike po përparon, shkencëtarët nga Universiteti Autonom i Barcelonës (UAB) kanë paraqitur një propozim dramatik që mund të ndryshojë për të mirë pamjen e qytetit.
Sipas shifrave të fundit, Evropa po ngrohet më shpejt se mesatarja globale, me temperatura vjetore që rriten midis 1.7 dhe 1.9 gradë Celsius në zonat urbane.
Barcelona nuk bën përjashtim, duke regjistruar një temperaturë mesatare prej 16.8 gradë Celsius.
Në përgjigje të këtij problemi, një grup studiuesish të ndryshimeve klimatike janë pionierët e një projekti për të lyer me ngjyrë të bardhë çatitë e qytetit – duke pretenduar se mund të ulë temperaturat deri në 4.7 gradë gjatë valëve të të nxehtit.
Në vitet e fundit, këshilli i Barcelonës ka trajtuar çështjen e ndryshimeve klimatike duke mbjellë dhe menaxhuar më shumë pemë në zonat urbane.
Por vetëm zonat e gjelbra nuk do të jenë të mjaftueshme për të parandaluar valët gjithnjë e më të shpeshta të të nxehtit që kërcënojnë qytetin.
“Ndryshimi i ngjyrës mund të përbëjë një zgjidhje të përkohshme për problemin. Mund të sjellë rezultate pozitive. Por duke u përballur me sfidën e valëve më të shpeshta dhe të rënda të të nxehtit, ne kemi nevojë për zgjidhje më të mëdha”, tha Adrian Fernandez, aktivist i Greenpeace.
Pavarësisht nga gjetjet e studimit, suksesi i projektit tani qëndron në duart e banorëve që jetojnë në apartamentet e katit të fundit./UBTNews/