Barcelona ka arritur të mposht mallkimin në stadiumin e Celta Vigos, pasi që arriti mbrëmë të shënojë fitore me rezultat 0-3.
Ansu Fati edhe njëherë shkëlqeu në këtë takim, duke shënuar menjëherë në minutën e 11’ pas asistimit që morri nga braziliani Philippe Coutinho.
Golin e dytë për katalunasit e shënoj Lucas Olaza, në minutën e 51’, duke shënuar në portën e tij, pas një driblimi të bukur që Messi ja bëri mbrojtjes së Celta Vigos.
Sergi Roberto shënoj golin e tretë dhe përfundimtar të këtij takimi, në minutat shtesë, me një goditje të bukur brenda zonës së rreptësisë.
Kjo fitore është një hap tjetër pozitiv për Barcelonën e Ronald Koeman, pas zhurmës së krijuar rreth largimit të Messi’t dhe kalimit të Suarez tek Atletico Madrid./UBTNews