Një vit nga vdekja e tij, dy ish-klubet e yllit Diego Maradona – Barcelona dhe Boca Juniors do të luajnë një ndeshje miqësore në Arabinë Saudite, për ta kujtuar legjendën e futbollit.
Ndeshja do të zhvillohet në stadiumin Mrsool Park në Riad më 14 dhjetor për ta nderuar ikonën e futbollit që vdiq nga sulmi në zemër në nëntor të vitit të kaluar, në moshën 60-vjeçare.
Në moshën 15-vjeçare, Diego bëri debutimin e tij profesional për Argentinos Juniors. Duke u bërë i njohur në nivel kombëtar, ai u ble nga Boca Juniors në vitin 1981 për 4 milionë dollarë. Ai kaloi vetëm një vit në klubin që e mbështeti si fëmijë përpara se të transferohej te Barcelona në vitin 1982./UBTNews