Ish-presidenti i Shteteve të Bashkuara të Amerikës, Barack Obama është narrator në dokumentarin e ardhshëm të Netflixit që mban titullin “Our Great National Parks”. Ky dokumentar flet rreth jetës së kafshëve të egra në të gjithë botën.
Lajmi për lansimin e dokumentarit u bë i ditur në shkurt të këtij viti, megjithëse në njoftim nuk përmendej se ish-presidenti do të shërbente si narrator i tij. Ish-presidenti po ashtu është pjesë e një programi që Barack dhe Michelle Obama po e prodhojnë për Netflixin, përmes kompanisë së tyre “Higher Ground Productions”.
“Our Great National Parks” debuton në Netflix më 13 prill./UBTNews/
