Ballkani do ta mbyllë sot aventurën në Evropë, përkatësisht në Ligën e Konferencës me sfidën kundër CFR Cluj.
Kampioni i Kosovës e ka bërë krenar vendin me paraqitje dinjitoze duke u bërë skuadra e parë që arrin deri në këtë fazë të një gare evropiane.
Skuadra e Ilir Dajës ka katër pikë pas pesë ndeshjeve duke u renditur e fundit në grupin G dhe rrjedhimisht është pa gjasa për të kaluar në fazën tjetër. Nga ana tjetër, Cluj do të kërkojë fitore ndaj Ballkanit pasi ajo do ta dërgojë në fazën tjetër të kësaj gare.
Në konferencë për media para ndeshjes, trajneri Ilir Daja dhe mbrojtësi Armend Thaqi deklaruan se përkundër faktit se tashmë janë pa gjasa, skuadra do të kërkojë fitore në këtë ndeshje për ta mbyllur këtë aventurë evropiane në mënyrën më të mirë të mundshme.
Ndeshja do të zhvillohet nga ora 18:45 në stadiumin “Constantin Rădulescu”.