Mesfushori i Chelsea-t, Tiemoue Bakayoko duket se do të kthehet te Milani, pasi përfaqësuesit e tij dhe Rossonerët thuhet se kanë arritur një marrëveshje.
Sipas mediumit Il Corriere dello Sport, mesfushori francez ka dhënë leje për një kthim në San Siro dhe se përfaqësuesit e tij mbyllen një marrëveshje me drejtuesit e kuqezinjve për transferimin e tij në Milanello.
Gazeta pretendon se Milani nuk do të negociojë me Chelsean dhe shpreson që ta sigurojë 27-vjeçarin në huazim të thjeshtë me mundësi blerje.
Blutë kanë zgjatur kontratën e Bakayokos me një vit deri në qershor të 2023 dhe kjo do të ndihmojë në lehtësimin e kalimit të tij te Rossonerët.
Sipas mediave, Milani dhe Chelsea janë në bisedime të avancuara dhe mesfushori, i cili kishte edhe opsione të tjera, zgjodhi një kthim në Milano.
Bakayoko kaloi sezonin 2018-19 në San Siro, kur Gennaro Gattuso ishte në krye të ekipit, dhe luajti për ish-trajnerin e Milanit në Napoli sezonin e kaluar.
Ish-ylli i Monacos ka luajtur 63 herë në Serie A, duke shënuar tre gola, njëri prej tyre me ngjyrat kuqezi.