Nëntë persona kanë vdekur si pasojë e ortekëve në një rajon të njohur skijimi në Austri. Midis të premtes dhe të dielës, më shumë se 100 ortekë kanë goditur rajonin perëndimor të Tirolit, duke bërë që niveli i rrezikut të vendit të rritet.
Autoritetet lokale thanë se situata ishte “e paprecedentë” dhe paralajmëruan se mund të ketë më shumë ortekë. Edhe dy raste të vdekjes u shënuan në shtetin fqinj, Zvicër.
Reshjet e vazhdueshme të borës dhe erërat e forta të parashikuara në Tirol, mund të sjellin “ortekë shumë të mëdhenj”.
Tetë nga nëntë personat që vdiqën në Austri ishin në Tirol, që njihet për peisazhet e saj malore alpine.
Të premten, katër skiatorë suedezë dhe udhërrëfyesi i tyre malor mbetën të vdekur në Ischgl në kufirin me Zvicrën.
Ortekët janë të zakonshëm në vende si Austria dhe Zvicra./UBTNews