Një artiste e talentuar nga Vietnami, Ngoc Like, po bën mrekulli me dhuratën e saj të jashtëzakonshme për të fshehur plagët dhe shenjat e tjera trupore me tatuazhe të bukura, duke ua rikthyer besimin njerëzve dhe duke ua mundësuar atyre të jenë të kënaqur me trupin e tyre.
Në kolegj, Ngoc Like u trajnua të jetë dizajnere profesionale. Ajo mendoi se vetëm talenti nuk mjafton për të mbuluar llojet e ndryshme të plagëve, andaj hulumtoi shumë. Sipas saj, çdo lloj plage ka karakteristika dhe veti të ndryshme. Prandaj, është thelbësore të investoni kohë dhe përpjekje për të hulumtuar me kujdes në mënyrë që të mbuloni plagët në mënyrën më optimale.
Ngoc Like beson se tatuazhi jo vetëm që zbukuron klientët, por duhet të mbrojë edhe shëndetin e tyre.
Bazuar në dëshirat dhe preferencat e klientit, si dhe paraqitjen dhe strukturën e shenjës, artistja vjen me ide specifike të projektimit që i përshtatet shenjës, si dhe personalitetit të personit./UBTNews