Në raportin 24-orësh të Policisë së Kosovës raportohet se është arrestuar një person i dyshuar për veprën penale “Mashtrim kompjuterik” në Prishtinë.
Sipas njoftimit, i dyshuari është shtetas i Republikës së Shqipërisë, i cili dyshohet se ka kryer veprime të jashtëligjshme përmes pajisjeve teknologjike.
Gjatë operacionit policor, në cilësi të provave materiale janë sekuestruar pesë llaptopë, katër telefona celularë dhe pajisje të tjera që dyshohet se janë përdorur për kryerjen e kësaj vepre. Lidhur me rastin, me vendim të prokurorit, i dyshuari është dërguar në mbajtje për procedime të mëtejshme ligjore.