Policia e Kosovës ka arrestuar edhe të dyshuarin e pestë në rastin e dhunimit të një 11-vjeçareje në Prishtinë.
Sipas njoftimit të PK-së, i dyshuari i pestë ka qenë në kërkim policor dhe është duke u intervistuar nga hetimet rajonale të DRP Prishtinë.
“Të gjitha veprimet e mëtejme policore lidhur me të dyshuarin i cili dyshohet se është i përfshirë në rastin “dhunim” të ndodhur në Prishtinë, do të ndërmerren në bashkëpunim dhe koordinim me organet e drejtësisë”, thuhet në njoftimin e PK-së./UBTNews/