Argjentinasit po festojnë rikthimin e fanellës së finales së Kupës së Botës të legjendës së futbollit, Diego Maradona, në vendin e tyre.
36 vjet pasi Argjentina mundi Gjermaninë në finalen e Kupës së Botës të vitit 1986, fanella që Maradona e veshi në pjesën e parë i është dorëzuar përsëri Federatës Argjentinase të Futbollit (AFA).
Ish-mesfushori i Gjermanisë, Lothar Matthäus, i cili e ndërroi fanellën me yllin Maradona në pjesën e parë, ia dhuroi atë argjentinasit. AFA e falënderoi atë me një video emocionuese.
Volvió a Casa 😍
— Selección Argentina 🇦🇷 (@Argentina) October 19, 2022
La mítica camiseta del Diego, utilizada en la final del 86, fue donada por Lothar Matthäus para el pueblo argentino.
Lothar, amigo querido, este gesto no lo olvidaremos nunca 🙏👏🏼 pic.twitter.com/jWVtaes4VC
Edhe një fanellë tjetër të cilën argjentinasi e veshi kur shënoi golin “Hand of God” kundër Anglisë në çerekfinalen e Kupës së Botës në vitin 1986, u shit për një rekord prej 7.1 milionë funte në fillim të këtij viti. Ajo fanellë u nxor në ankand nga ish-mesfushori i Anglisë, Steve Hodge./UBTNews/