Ansu Fati do ta ketë privilegjin dhe kënaqësinë të bartë fanellën me numrin 10 në Barcelonë, pas largimit të legjendës Lionel Messi.
Ansu Fati do ta bartë fanellën me numrin 10 në Barcelonë, në sezonin e parë pas largimit të Lionel Messit.
Messi u largua nga Barcelona pas më shumë se 20 viteve në Camp Nou, gjatë të cilave ai u bë lojtari më i mirë në histori. Ai e kishte marrë numrin 10 në vitin 2008, pas largimit të Ronaldinhos.
Pas largimit të tij në drejtim të Paris Saint-Germainit këtë verë, u bë thirrje që numri 10 të pensionohej në Barcelonë.
Por klubi nuk i ka dëgjuar ato thirrje dhe sot ka treguar se numri 10 do t’i takojë Fatit.
18-vjeçari i talentuar e kishte bartur numrin 17 në sezonin e tij të parë me Barcelonën.