Sulmuesi kosovar Andi Zeqiri i cili pritet që në tetor t’i bashkohet Përfaqësueses së Kosovës po vazhdon të shkëlqej tek Zvicra U21, shkruan “Zeri.info”.
Ai ka shënuar sonte në fitoren me rezultat 2:1 ndaj Sllovakisë në kualifikimet për Kampionatin Evropian.
Zeqiri realizoi golin e parë për Zvicrën në minutën e 88-të nga penalltia.
Te Zvicra sonte luajti edhe futbollisti tjetër shqiptar Nedim Bajrami i cili u inkuadrua në minutën e 68-të dhe u përjashtua me karton të kuq dy minuta më vonë.
Përveç tyre në fanellën helvetike u paraqitën edhe Toni Domgjoni, Bastien Toma e Kastriot Imeri. /Zeri.info