Ambasadori gjerman në Kosovë, Jorn Rohde e konsideron ‘dëshpëruese’ mosvotimin e Projektligjit për Rimëkëmbje Ekonomike në Kuvendin e Kosovës.
Sipas Rohdes, ajo që duhet nga të gjithë përgjegjësit është fryma e kompromisit.
“Lufta kundër efekteve negative në ekonomi, të shkaktuara nga pandemia, është përgjegjësi e përbashkët dhe kërkon angazhim të përbashkët. Në këtë aspekt është mjaft dëshpëruese dhe sipas njohurive të mia edhe rast unik në Evropë të shoh këtë…se për herë të 5-të në Kuvendin e Kosovës nuk është arritur marrëveshje për draft-ligjin e Rimëkëmbjes Ekonomike. Ajo që duhet urgjentisht nga gjithë përgjegjësit është fryma e kompromisit. Qytetarët e Kosovës me të drejtë e presin këtë”, theksoi ai në Twitter./UBTNews
…for the 5th time in the Kosovo assembly there was no agreement on the draft Economic Recovery Law. What is urgently needed from all stakeholders is the spirit of compromise. The citizens of Kosovo rightfully expect that. (2/2)
— Ambassador Jörn Rohde (@GermanAmbKOS) September 30, 2020